Peseta peruana
| Peseta peruana † | |
|---|---|
_Bielik-coins_02.jpg) | _Bielik-coins_01.jpg) |
| Ámbito: |  Perú. |
| Fracción: | ½ real (= ¼ peseta) |
| Moedas: | 1 peseta e 5 pesetas |
| Emisor: | Banco Central de Reserva do Perú |
A peseta peruana foi unha unidade monetaria da República Peruana emitida entre os anos 1880 e 1882, durante a Guerra do Pacífico.
A peseta peruana tiña como moeda divisionaria o real, de maneira que dous reais equivalían a unha peseta. Pola súa banda, cinco pesetas equivalían a un sol, co que coexistiu e que acabou impóndose como un idade monetaria do país.[1]
Moedas
[editar | editar a fonte]A Casa da Moeda de Lima emitiu en 1880 moedas de prata cos valores faciais dunha peseta e de cinco pesetas.[1][2][3]
Pola súa banda, a Casa da Moeda de Ayacucho emitiu moedas de cinco pesetas en 1881 e 1882, e moedas divisionarias de medio real (un cuarto de peseta) datadas en 1882.[1][2][4]
Caracterización
[editar | editar a fonte]
As tres moedas emitidas comparten deseño, á marxe de pequenos detalles motivados polo seu tamaño e a disposición dalgúns elementos. O deseño de ambas as súas faces débeselle a Robert Britten.[1]
- Anverso: busto feminino a modo de representación alegórica da República Peruana, ollando cara á esquerda, rodeado pola lenda PROSPERIDAD Y PODER POR LA JUSTICIA, coa data no exergo.[1]
- Reverso: escudo nacional rodeado pola lenda: REPUBLICA PERUANA / marca de ceca [LIMA ou AYACUCHO] / 9 DECIMOS FINO. Valor facial en letra no exergo [CINCO PESETAS ou UNA PESETA ou ½ REAL].[1]
Notas
[editar | editar a fonte]- ↑ 1,0 1,1 1,2 1,3 1,4 1,5 "Peru • Peseta (1880-1882)". Numista.com
- ↑ 2,0 2,1 De la Puente, P. (2015) "Lima y las otras cecas en los 450 años de la Moneda Peruana". En Moneda, Nº 164 (decembro). Páxinas 42-44.
- ↑ Contreras Carranza, C. (Ed.) (2020). Páxina 453.
- ↑ Contreras Carranza, C. (Ed.) (2020). Páxina 475.
Véxase tamén
[editar | editar a fonte]Bibliografía
[editar | editar a fonte]- Contreras Carranza, C. (Ed.) (2020). Historia de la moneda en el Perú. Banco Central de Reserva del Perú, Lima. ISBN 978-612-326-011-8
- De la Puente, P. (2015) "Lima y las otras cecas en los 450 años de la Moneda Peruana". En Moneda, Nº 164 (decembro). Banco Central de Reserva del Perú. Páxinas 41-44.
